كلمات الانشودة
ياقصيدي طال ليلك بالصدود وبالعناد
والقضية ماتحمل لاعناد ولا صدود
هات راسك ودي أكتب والحبر دم الفؤاد
في زمان الذل جيتك والصبر جاله حدود
انكشف وجه الحقيقة وابتدا العلم الوكاد
والشواهد للمشاهد ماتبي قول الشهود
ياعرب شفتو جنين الغارقو وسط النفاد
ياعرب شفتو وشفتوا عربدت جند اليهود
الضحايا بالشوارع حركت حتى الجماد
مسجيات فوق الأرض بلا قبور ولا لحود
اليهود الله عليهم بالصباح و بالهجاد
نطلب الله بالركوع وندعي الله بالسجود
ينتقم للشعب الأعزل من يدين الإضطهاد
وينزل الله فوقهم مانزل على عاد وثمود
استباحونا وعاثوا في حرمنا بالفساد
مالقوا فينا رجال تردع الظلم وتذود
يقتلون الشيخ الأعزل والطفل وسط المهاد
والبلابل والحمايم والبراعم والورود
بين صرخات الثكالى واليتامى يالعباد
ماجحدنا إلا العميل وماعملنا إلا الجحود
مرحلة ذل وهوان ماحصل من عصر عاد
بالفعل نمشي نزول وغيرنا يمشي صعود
لااتبعنا ابن الوليد ولا اتبعنا بن زياد
لااحتذينا في صلاح ولا صناديد الجدود
يافلسطين الحبيبة مالنا غير الحداد
والعباير في الحناجر والدمع فوق الخدود
الصراحة والحقيقة يوم ركب الهم قاد
والله انا في سجون واسعات بلا قيود
في زمن قهر الرجال وبيع الأمة في المزاد
يالله افرجها علينا ياغفور وياودود
الفتايل مستعدة وين راسك يالزناد
لو تشب النار نكسر في عيون الذل عود
ارحمونا ياجماعة مابقى فيها اجتهاد
اسمعو نبض الشوارع كل فعل وله ردود
والله انا لابسين بالملامات السواد
يوم نخضع بالمذلَه للخنازير القرود
سامعين وطايعين وخاضعين بانقياد
حافظين للعهود وهم يخونون العهود
ياخسارتنا المريرة نارنا صارت رماد
واحد وعشرين دوله ماتصدوا لليهود
الصفحة الرئيسية