على الله ولا غير الله الواحد المعبود : نصير الضعيف وعالي الشان سبحانه
هو اللي يفك الطوق ويذوب البارود : له الأوله والثانية وسط ميزانه
يشوف الرجال اللي تجاهد بدون حدود : ولا هزهم صوت المدافع ونيرانه
رجال معاه قلوب أقسى من البالود : والإيمان يسري في وريده وشريانه
وفوا بالتزامات الرجولة الرجولة بهون وكود : ما خانوا بوضع ينجي الروح بخيانة
لنا حق فيهم نفتخر فعلهم مشهود : بوجه العدو اللي تزايد بطغيانه
قليلي العدد بس إنت يا ربنا موجود : بَكَ الحول والقوة وفزعتك مليانة
تدور المعارك وفزعت للنصارى يهود : جيوش وسلاح فاتك صنع بلدانه
ولاغيرك أنت تساعد إخواننا بجنود : تعاليت لا تبقي على الكفر وأعوانه
فلا ينتصر مخلوق من رحمتك مطرود : بَلاَ رحمتك ما تنفعه قوة إيمانه
ولا ينهزم شخص لو إنه بدون عضود : مادام إنت ذكرك في فؤاده وبلسانه
مضى ما مضى والسالفة حبلها معقود : ولا غيرك إنت يحلها وأنت سلطانه
فلا عاد باقي غير الأطلال بيض وسود : ودمعة عجوز تشتكي فقد ورعانه
دمار وجثث وسط الشوراع كَلَاهَا الدود : ظلام مخيف وبسمة مالها خانة
وجاني من الأخبار عود لقاله عود : تحط لي طوفك مسجد هد بنيانه
وقال أسألك بالله وش معك وش مفقود : عسى ما خسرت أرواح قال العصا عانه
أنا ما بقى لي غير ربي وهذا العود : عصا والعصا في راس من زاد عصيانه
خسرت الذي ما كان له ناظر معقود : وهو يعيش من شانِي وأنا أعيش من شانه
عجوز تسامرني وكل العباد رقود : وإذا حس فيني حاجة تدمع أعيانه
عجوز ولا لي غيرها والد أو مولود : عجوز ربيع القلب شوفه ووبستانة
عجوز بيمناها الفرح والأماني سود : مضى لي معاها عمر يصعب نسيانه
إذا جيتها تعبان تبذل لي المجهود : تحاول تريحني وهي حيل تعبانة
وفي يوم جيت وشفت بيتي وهو مهدود : وقلت العجوز أكيد في بيت جيرانه
سألت وسألت ولا أحد رد لي مردود : أثاري عجوزي ميته وسط مسكانه
الصفحة الرئيسية